Byggðasafn Hafnarfjarðar er með nýja sýningu í forsal Pakkhússins á hverju ári. Sýningin í ár er um grásleppukarla og smábátaútgerð í bænum.

Um aldir sóttu Hafnfirðingar sjóinn á árabátum en í upphafi 20. aldarinnar hófst vélvæðing smábátaútgerðarinnar sem þróaðist áfram þar til hún náði ákveðnum hátindi í bænum á sjöunda og áttunda áratuginum. Leitast er við að varpa ljósi á þessa sögu á sýningunni sem verður opin alla daga í sumar kl. 11:00 – 17:00. Ókeypis aðgangur fyrir alla.