Pakkhúsið

Pakkhúsið

Opnunartímar

1. júni - 31. ágúst 11:00 - 17:00 alla daga

1. sept - 31. mai 11:00 – 17:00 um helgar.

Vesturgata 6

Í Pakkhúsinu eru að öllu jöfnu þrjár sýningar í gangi í einu, fastasýning um sögu bæjarins, leikfangasýning og þemasýning. Á sýningunni „Þannig var…” er saga Hafnarfjarðar og nágrennis rakin frá landnámi til okkar daga með aðstoð sagnfræðilegra texta, ljósmynda, teikninga, kvikmynda og fjölda muna sem glæða söguna lífi. Þar er hægt að fræðast um þýska og enska tímabilið í sögu bæjarins, verslunarsöguna, útgerðarsöguna, íþróttasöguna, hernámið, kvikmyndahúsin og margt fleira.

Á efstu hæð Pakkhússins er að finna leikfangasýningu safnsins. Sýning þessi, sem hið margverðlaunaða enska sýningafyrirtæki Janvs Ltd hannaði, er sérstaklega ætluð börnum. Á Byggðasafni Hafnarfjarðar er varðveitt stórt safn leikfanga og er hluti þess á sýningunni. Mununum er skipt reglulega út og því er alltaf eitthvað nýtt að sjá á leikfangasýningu Byggðasafnsins.

Byggðasafn Hafnarfjarðar setur upp nýja þemasýningu í forsal Pakkhússins á hverju vori. Núverandi sýning fjallar um Frú Þorbjörgu Bergmann, fyrsta hafnfirska safnarann.

Sýningin fjallar um líf og söfnunarstarf Þorbjargar Sigurðardóttir Bergmann sem var fædd í Pálsbæ á Seltjarnarnesi 13. apríl árið 1876. Að loknu Kvennaskólanámi árið 1898 réðst Þorbjörg í vinnu á Bíldudal, þar kynntist hún mannsefni sínu, Sigfúsi Bergmann en þau gengu í hjónaband aldamótaárið 1900. Sama ár fluttu þau til Hafnarfjarðar og urðu fljótlega áberandi í bæjarlífinu. Þorbjörg byrjaði snemma að safna þjóðlegum munum og virðist hennar helsta markmið hafa verið að bjarga þeim frá glötun. Hún gerði sér grein fyrir þeim breytingum sem voru að verða á íslensku samfélagi og nauðsyn þess að varðveita hina ýmsu muni sem segja má að hafi verið dæmigerðir í gamla íslenska bændasamfélaginu. Um 400 munir voru í safni Þorbjargar Bergmann sem færðir voru Reykjavíkurfélaginu árið 1952 og síðar gefnir Árbæjarsafni árið 1958. Munirnir mynduðu grunninn að Árbæjarsafni. Á sýningunni eru munir sem fengnir voru að láni frá Borgarsögusafni; Árbæjarsafni og frá afkomendum Þorbjargar.

Þemasýningin stendur í 11 mánuði.

Fleiri sýningar

Þorp verður bær, Hafnarfjörður 1960 – 1975

Þorp verður bær, Hafnarfjörður 1960 – 1975

Byggðasafn Hafnarfjarðar setur upp nýja þemasýningu í forsal Pakkhússins á hverju vori. Núverandi sýning fjallar um íbúafjölgun Hafnarfjarðar á árunum…

  • 1.júni - 31. ágúst frá 11:00 - 17:00 alla daga
  • 1.sept - 31.maí frá 11:00 -17:00 um helgar
  • Vesturgata 6
Sívertsens-húsið

Sívertsens-húsið

Sívertsens-húsið er elsta hús Hafnarfjarðar, byggt á árunum 1803-1805 af Bjarna Sívertsen.

  • 1.júni - 31. ágúst frá 11:00 - 17:00 alla daga
  • 1.sept - 31.maí frá 11:00 -17:00 um helgar
  • Vesturgata 6
Bookless Bungalow

Bookless Bungalow

Bungalowið var byggt árið 1920 fyrir Douglas Bookless sem hafði ásamt bróður sín Harry rekið umfangsmikla útgerð frá Hafnarfirði á…

  • 1.júni - 31. ágúst frá 11:00 - 17:00 alla daga
  • 1.sept - 31.maí frá 11:00 -17:00 um helgar
  • Vesturgata 32
Siggubær

Siggubær

Erlendur Marteinsson sjómaður byggði Siggubæ árið 1902. Dóttir hans, Sigríður Erlendsdóttir, var tíu ára gömul þegar hún flutti í húsið…

  • Opið um helgar frá 11.00 - 17.00
  • Kirkjuvegur 10
Beggubúð

Beggubúð

Í Beggubúð er verslunarminjasafn Byggðasafns Hafnarfjarðar. Húsið, sem byggt var árið 1906, stóð áður við aðalverslunargötu bæjarins en var flutt…

  • 1.júni - 31. ágúst frá 11:00 - 17:00 alla daga
  • 1.sept - 31.maí frá 11:00 -17:00 um helgar
  • Vesturgata 6
Gúttó

Gúttó

Góðtemplarahúsið, sem í daglegu tali er kallað Gúttó, var byggt árið 1886

  • Opið eftir samkomulagi
  • Suðurgata 7 Hafnarfjörður
Strandstígur

Strandstígur

Á strandstígnum meðfram höfninni í Hafnarfirði er Byggðasafn Hafnarfjarðar með sýningaraðstöðu fyrir ljósmyndasafn sitt. Þar eru settar upp ljósmyndasýningar er…

  • 11:00 – 17:00 alla daga
  • Strandstígur