Í Pakkhúsinu eru að öllu jöfnu þrjár sýningar í gangi í einu: fastasýning um sögu bæjarins, leikfangasýning og þemasýning. Fastasýning Á sýningunni Þannig var… er saga Hafnarfjarðar og nágrennis rakin frá landnámi til okkar daga með aðstoð sagnfræðilegra texta, ljósmynda, teikninga, kvikmynda og fjölda muna sem glæða söguna lífi. Á henni er hægt að fræðast um þýska og enska tímabilið í sögu bæjarins, verslunarsöguna, útgerðarsöguna, íþróttasöguna, hernámið, kvikmyndahúsin og margt fleira. Leikfangasýning Í risi er upplifunarsýning með alls konar leikföngum og öðru sem snýr að börnum, sérstaklega hönnuð fyrir börn. Meðal annars er hægt að spila gamla tölvuleiki eins og Space Invaders og Super Mario Bros. Þemasýning Sýningin Handboltabærinn Hafnarfjörður opnaði 1. júní 2026. Á sýningunni er saga handknattleiksins í Hafnarfirði rakin frá því að fyrsti leikurinn fór fram árið 1925 til dagsins í dag. Handboltabærinn Hafnarfjörður í Byggðasafni Hafnarfjarðar Myndagallerý
