Á þessari sýningu er gert grein fyrir fjölbreyttu starfi skátanna í Hafnarfirði og þann veigamikla sess sem þeir hafa skipað í tómstundum barna og unglinga í bænum. Félagið var stofnað í ársbyrjun 1925 og var strax mjög blómlegt. Fyrsti sveitaforingi Skátafélags Hafnarfjarðar var Gísli Sigurðsson, síðar lögregluþjónn og fyrsti forstöðumaður Byggðasafns Hafnarfjarðar. Skátastarfið hefur verið í föstum skorðum í Hafnarfirði frá stofnun félagsins en árið 1945 var nafninu breytt í Skátafélagið Hraunbúar.

Eftir hundrað ára starf eru Hraunbúar enn í dag með metnaðarfullt skátastarf og eru eitt fjölmennasta skátafélagið á landinu. Í dag eru um 150 þátttakendur undir 18 ára aldri í skátastarfi Hraunbúa. Skátafundir eru haldnir flest kvöld vikunnar í skátaheimilinu Hraunbyrgi og á síðustu árum hefur aldursbil félaga breikkað og fundum fjölgað.